Byrjaður að blogga hér

Ég er bara að prufa að blogga hérna aðeins. Ég veit ekkert alveg hvort ég muni nenna að standa í þessu frekar en hinni síðunni minni en ég mun reyna.

En fyrir þá sem ekkert vita þá heiti ég Ernir Freyr Gunnlaugsson og er ég tvítugur. Ég er uppalinn á Eskifirði og hef búið þar alla mína tíð þangað til ég flutti, núna í haust, til Akureyrar til að vinna. Ég er starfandi sem rafvirki þessa stundina hjá Rafmönnum. Ég er búinn að læra að vera rafvirki og í febrúar ætla ég mér að fara í sveinspróf. Í framhaldi af því er ekki alveg ákveðið hvað skal gera en allavega mun ég fara í háskóla einhvertímann.  

Hérna á þessu bloggi langar mig til að vera með umræður um málefni sem brenna á mér.  

 

Ég held ég sé ekkert að byrja á neinu umræðuefni strax en mig langar bara að spurja hvað finnst fólki um úthlutun menningarráðs Fjarðabyggðar á styrk til Guðmundar R. Gíslasonar?

 

Ernir Freyr Gunnlaugsson